Навіны ТБМ

Баранавіцкая ТБМ ушанавала памяць расстраляных паэтаў

Сябры баранавіцкай арганізацыі ТБМ у канцы кастрычніка заўсёды адзначаюць памяць расстраляных паэтаў і беларускай інтэлігенцыі.
Звычайна збіраліся ў скверы ля крыжа “Ахвярам рэпрэсій”, прыбіралі тэрыторыю, чыталі вершы, маліліся. Некаторыя гады праводзілі вечар, прысвечаны памяці рэпрэсаваных.

У 2020 годзе ля крыжа былі ўжо пад наглядам міліцыі, але, праўда, нікога не затрымалі. Таму ў гэтым годзе, ўлічваючы палітычную і эпідэмічную сітуацыю, рашылі не збірацца.


Прыходзілі паасобку па аднаму, па два чалавекі. Хто прыбраў сьмецце, хто прыбіраў дарожкі, клумбу. Адносілі апалае лісце. Паклалі некалькі букетаў кветак. Запальвалі лампадкі. Ушанавалі памяць нявінна забітых, як маглі ў існуючых умовах.

Made on
Tilda