Навіны ТБМ

Навагрудская ТБМ дапамагае аднаўляць палац у Паланэчцы

28 жніўня Наваградская суполка ТБМ "Узвышша" другі раз прыняла валанцёрскі ўдзел у аднаўленні палацу ў Паланэчцы.



Гэтым разам праца кіпела ў сутарэннях левага флігеля, дзе сябры ТБМ расчысцілі ўваход у сістэму падземных хадоў пад палацам. Былі выцягнутыя некалькі тон пяску.
Цікава, што ўваходы ў гэтыя хады былі пазасыпаныя больш за 70 гадоў таму. Нават шматлікія пакаленні мясцовых школьнікаў (у палацы была школа) не ведалі пра іх існаванне.

Цяпер, дзякуючы працы новых уласнікаў і калектыва, што аднаўляе палац, а таксама ТБМ "Узвышша",- людзі займемелі магчымасць убачыць старыя хады і паблукаць па іх.
Пасля працы, сябры ТБМ наведалі мала каму вядомую, але цікавую крыніцу "Кіпень" каля вёскі Ясенец і камень Філарэтаў, дзе таемна ад расейскіх жандармаў, у 19 ст. збіраліся экстрэмісты сябры Таварыства Філаматаў (Міцкевіч, Чачот, Дамейка, Зан і г.д.), што марылі пра свабоду бацькаўшчыны.




https://www.facebook.com/NavahradakTBM/
Made on
Tilda